A hipnose clínica é unha técnica cientificamente demostrada como eficaz e que axuda a que o proceso terapéutico sexa máis rápido. A pesar dos mitos difundidos, o certo é que, durante a hipnose, estarás todo o tempo completamente consciente de todo e terás o control completo do proceso. O transo hipnótico é un estado de focalización da atención que levamos a cabo de forma natural case cada día. Por exemplo, cando estamos metidos nunha película e se nos esquecen o resto de asuntos.
Dende o punto de vista da terapia, coa hipnose poderás por en marcha recursos que estaban latentes no teu interior, sacando o mellor e máis auténtico de ti mesma. Se ben é moi útil para case calquera persoa, é habitualmente utilizada para deixar de fumar, mellorar hábitos alimentarios ou mellorar o rendemento deportivo e académico.